Այսօր պրոֆեսոր Թռչունյանի մահվան տարելիցն է․․․

Այսօր ՀՀ ԳԱԱ թղթակից անդամ կենսաբանական գիտությունների դոկտոր, պրոֆեսոր Թռչունյանի մահվան տարելիցն է․․․

Մեկ տարի առաջ կյանքից հեռացավ ականավոր գիտնական, ՀՀ ԳԱԱ թղթակից անդամ, ԵՊՀ կենսաբանության ֆակուլտետի կենսաքիմիայի, մանրէաբանության և կենսատեխնոլոգիայի ամբիոնի վարիչ, Հայ-Ռուսական համալսարանի բժշկական կենսաքիմիայի և կենսատեխնոլոգիայի ամբիոնի պրոֆեսոր, կենսաբանական գիտությունների դոկտոր, պրոֆեսոր Արմեն Համբարձումի Թռչունյանը։ Պրոֆ․ Թռչունյանը Հայաստանում կենսատեխնոլոգիաների, մանրէաբանությանմ կենսաբժշկության ոլորտի ճանաչված և բեղուն գիտական գործունեություն ծավալած գիտնականներից էր, որի մեծ ավանդը ամենաբարձր գնահատականի են արժանացել պետական և միջազգային մակարդակով։ Նա կրթել է բազմաթիվ բարձր գիտական որակավորում ունեցող կադրեր, որոնք այսօր զբաղվում են կենսաբանության տարբեր ոլորտների կարևորագույն խնդիրներով։ Պրոֆ․ Թռչունյանի անժամանակ վախճանը անդառնալի կորուստ եղավ Հայաստանի գիտական և կրթական համայնքի համար։